Psa 117 | VulgJ | STEP | alleluia confitemini Domino quoniam bonus quoniam in saeculum misericordia eius confitemini Domino quoniam bonus quoniam in aeternum misericordia eius

Psalms 117

1 alleluia confitemini Domino quoniam bonus quoniam in saeculum misericordia eius ^va 2 dicat nunc Israhel quoniam bonus quoniam in saeculum misericordia eius ^va 3 dicat nunc domus Aaron quoniam in saeculum misericordia eius ^va 4 dicant nunc qui timent Dominum quoniam in saeculum misericordia eius ^va 5 de tribulatione invocavi Dominum et exaudivit me in latitudinem Dominus ^va 6 Dominus mihi adiutor non timebo quid faciat mihi homo ^va 7 Dominus mihi adiutor et ego despiciam inimicos meos ^va 8 bonum est confidere in Domino quam confidere in homine ^va 9 bonum est sperare in Domino quam sperare in principibus ^va 10 omnes gentes circumierunt me et in nomine Domini *quia; ultus sum in eos ^va 11 circumdantes circumdederunt me in nomine autem Domini * quia; ultus sum in eos ^va 12 circumdederunt me sicut apes et exarserunt sicut ignis in spinis et in nomine Domini * quia; ultus sum in eos ^va 13 inpulsus eversus sum ut caderem et Dominus suscepit me ^va 14 fortitudo mea et laudatio mea Dominus et factus est mihi in salutem ^va 15 vox exultationis et salutis in tabernaculis iustorum ^va 16 dextera Domini fecit virtutem dextera Domini exaltavit me dextera Domini fecit virtutem ^va 17 non moriar sed vivam et narrabo opera Domini ^va 18 castigans castigavit me Dominus et morti non tradidit me ^va 19 aperite mihi portas iustitiae ingressus in eas confitebor Domino ^va 20 haec porta Domini iusti intrabunt in eam ^va 21 confitebor tibi quoniam exaudisti me et factus es mihi in salutem ^va 22 lapidem quem reprobaverunt aedificantes hic factus est in caput anguli ^va 23 a Domino factum est istud hoc est mirabile in oculis nostris ^va 24 haec est dies quam fecit Dominus exultemus et laetemur in ea ^va 25 o Domine salvum fac o Domine prosperare ^va 26 benedictus qui venturus est in nomine Domini benediximus vobis de domo Domini ^va 27 Deus Dominus et inluxit nobis constituite diem sollemnem in condensis usque ad cornua altaris ^va 28 Deus meus es tu et confitebor tibi Deus meus es tu et exaltabo te confitebor tibi quoniam exaudisti me et factus es mihi in salutem ^va 29 confitemini Domino quoniam bonus quoniam in saeculum misericordia eius

^va